Sooq Thomsen Consulting?

Thomsen Consulting kalaallit suliffeqarfiutaannut pisortanilu aaqqissuussaanernut qullersassanik, aqutsisussanik immikkullu ilisimasalinnik sulisussarsiornermik siunertaqarpoq. Tamannalu suliatigut paasisimasaqarnissamik kulturikkullu piginnaasaqarnissamik pisariaqartitsivoq. Isumaqarpugullu piginnaasat taakku marluk Thomsen Consultingimi pigalutigit. 

Nunarput Thomsen Consultingip DNA-vaniippoq. Oqaatsivut kulturerpullu, inuiaqatigiit, suliffeqarfinni aqutsineq pisortanilu aaqqissuussaanerit sukumiisumik ilisimasaqarfigivagut. Ilisimasallu taakku qinnuteqartunik piukkunnartunik toqqaaniarnitsinni atorluartarpagut. 

Assersuutigalugu sullitatta qinnuteqartulluunniit oqaatsit atorusutatik atorlugit sulisussarsiornerup ingerlanera tamaat attaveqaqateqarsinnaanissaat sulisussarsiornermut iluatsilluartumut tunngavissatut isigaarput. Illuatungeriit tamarmik oqaloqatigiinnermik ingerlatsinermillu pitsaasumik naligiittumillu misigisaqartinnissaat taamaaliornikkut qulakkeertarparput. 

Pitsaassuseq sullitallu iluarisimaarnissaat uatsinnut assigiipput. Tamannalu aamma pissutigalugu sukumiisumik tunniusimasumillu sullinneqarneq sullitatta tamarmik malugissavaat. Ataatsimullu isigissagaanni sulisussarsiornermi anguneqartussaq tassaavoq sullitatta qinnuteqartumut kissaatigisaanut naleqquttumik nassaarnissaq. 

Attavigitigut

Sulisussarsiornerup ingerlanneqarnera

Qinnuteqartumik eqqortumik atorfinitsitsinissat qulakkeerumallugu sulisussarsiornerup iluatsitsiffiulluarnissaanut immikkoortut arlallit tunngavigineqartarput. 

Sulisussarsiornerup ingerlanneqarnera qanoq sivisutigisarpa?

Sulisussarsiornerup ingerlanneqarnerata sivisussusia pisariaqartitatit malillugit allanngorarsinnaavoq. Sulisussarsiorneq sukumiisoq pitsaasorlu tunngaviatigut sapaatit akunneri qulit missaannik sivisussuseqartarpoq. 

Sulisussarsiornermik suliat

Sulisussarsiornermik suliat ingerlanneqartut, sullitavullu sinnerlugit nittarsaatavut quppernermi uani takuneqarsinnaapput. 

Atuisutta oqaaserisaa

”Vi benytter Thomsen Consulting til udvalgte rekrutteringsopgaver i KNI. Niels har et stort kendskab til landets opbygning, virksomheder og kultur, og har et stort netværk, som dækker forskellige fagområder. Vi er meget glade for samarbejdet med Thomsen Consulting, som leverer en grundig search og et professionelt arbejde med respekt for både virksomhed og kandidat. Jeg kan på det varmeste anbefale Thomsen Consulting som samarbejdspartner i rekrutteringsprocessen.”

Jeppe Jensen

Pisortaaneq/Adm. direktør/CEO

Niels Thomsen

Piginnittoq pisortaanerlu

Thomsen Consultning Cand.scient.adm. Niels Thomsenimit Ilulissani inunngorlunilu peroriartortumit pigineqarlunilu ingerlanneqarpoq.
Niels pisortatut, siulersuisunut siulittaasutut inatsisartunilu suliaqarnermi aqutsisutut qullersatut annertuumik misilittagaqarpoq.

Tamatumalu malitsigisaanik inuiaqatigiinni kalaallini atituumik attaveqarfeqarpoq – suliffeqarfiillu namminersortut pisortaniillu pigineqartut qanoq ingerlanneqarnerat immikkuullarissumik  ilisimasaqarfigilersimallugit. 

Nielsimut aqutsilluarneq pikkorissunillu kajumissuseqartunillu sulisoqarneq pitsaasunik angusaqarnissamut aqqutissaapput, suleqatigiinneq tatigeqatigiissumillu atassuteqarneq aaqqissuussaanernut ingerlalluartunut naammassisaqarfiulluartunullu tunngaviullutik. Tamannarpiarlu pissutigalugu Nielsip sulisussarsiorneq aamma piginnaanilinnik aqutsisunillu ineriartortitsineq ukkataralugit suliffeqarfiutini ingerlappaa. 

Nielsip sunngiffimmini isikkamik arsarneq aallutarilluarpaa. Inuusunnerugallarami arsartartuuvoq – Nunattalu nunanut allanut unammisartuini arlaleriarluni unammeqataasarsimalluni. Kingusinnerusukkullu Ilulissani inuusuttunut piginnaanilinnut isikkamik arsarnermi sungiusaasuuvoq, arsartartunillu kajumilersitsiniartarnini ineriartortitsisarninilu suliffeqarfinni atassuteqarfigisamini periaaserisartakkamisulli ingerlattarlugit. Aallussilluarnikkut, pimoorussilluarnikkut suliatigullu ilisimasaqarluarnikkut. 
Mobil: +299 586 636
E-mail: niels@thomsen.gl